- Традици
-
Традици – историон æгъдауæй сырæзгæ фæзынд, æнгом баст у монон кæнæ материалон культурæимæ, æхсæнадон кæнæ бинонты цардыуагимæ, этносы цардыл аудыны тыххæй лæвæрд цæуы фæлтæрæй фæлтæрмæ. Традици у культурæйы æппæты фидардæр стереотипон хай, сæ ацы æууæлмæ гæсгæ ныхмæвæрд цæуынц инновацитимæ кæнæ новацитимæ, кæцытæй бирæтæ куыдфæстæмæ свæййынц традицитæ æмæ цæуын райдайынц фæлтæрæй фæлтæрмæ этносы ’хсæн. Фæлæ уæддæр этносы культурæйы æппæты æнæфæцудгæдæр æмæ æнæивгæдæр хай сты традицитæ, сæ фидардзинад фадат дæтты фæлтæрты ‘хсæн культурон бастдзинады рæзтæн. Этносы алы историон дуджы дæр традицитæн ис бæрæг нормативон роль æмæ сын цæуы социалон историон аргълæвæрд (æвæрццæг, нейтралон).
Словарь по этнографии и мифологии осетин. 2014.